Memes
17.02.2018

拜年耍走親戚絕招(初二)

來到年初二,穿梭於叔伯兄弟三姑六婆的家中團拜,繼續要畀親戚問三問四,昨日就已經用過哲學角度稱為「循環論證」的應對三大必問問題:幾時結婚,買左樓未,有冇加人工,所以今日我地就試下向《麥兜》中的麥太取經,再次接招……


親戚:「唔帶男/女朋友仔出嚟見吓?」

我:「從前,有個朋友拍拖;所以第二日佢盲左。」

親戚:「⋯⋯盲左!?⋯⋯但你咁大個人,都差唔多時候結婚啦,幾時打算結婚?」(呢個時候,親戚雖然覺得你九唔搭八,依然再接再厲,繼續出招!)

我:「從前,有個朋友結婚;所以第二日佢就跑步跌親。」

親戚:「⋯⋯咁你有冇升職加人工呀?」(親戚心感都問唔到D咩,唯有問其他野!)

我:「從前,有個朋友加咗人工;所以第二日,那公司拉閘門,以後就沒再開過。」

親戚:「哈哈哈哈(苦笑)⋯⋯咁你有冇買樓?」

我:「從前,有個朋友買樓;所以第二日佢層樓冧咗。」

親戚:「⋯⋯」



呢一招,其實人人都識用,而係邏輯的角度,就符合因果謬誤(post hoc fallacy)

麥太會在麥兜睡前講故事,但她講故事有個特別的模式。她說:「從前有個小朋友他說謊,有一天,他死了。」

這種說故事的方法暗含常見的邏輯謬誤:因果謬誤(post hoc fallacy),又名「後此即因此」。這種邏輯謬誤比想像中常見得多,不少人(包括小編)都會以為用了「因為……所以……」就自動有了因果關係。很多時候談名人故事的時候也有這種傾向,例如「李嘉誠黏膠花黏到發達」,直接跳過中間的創業經過。

 

我要留言